Tempo
10 Agustus 2011 2 Komentar
Saminggu manjalang puaso kadai Uniang indak bukak lai do. Indak ado nan kabalanjo, mahasiswa alah pulang sado e. Bulan puaso mahasiswa indak kuliah, tempo. Tingga nan tuo-tuo se di kampus. Yo sabana langang kampus ko.
Tapi indak mahasiswa se nan tempo do, kreatifitas di kampus ko alah lamo pulo libur ruponyo. Indak ado kegiatan nan mangaliek lai do. Urang-urang abih sibuk dek urusan kuliah. Mangaja sarjana jo ijazah. Sabana iyo juo tu, urang gaek alah payah mancari pitih di kampuang.
Tapi ambo pikia ado pulo nan indak kalah pantiang dari mangaja ijazah tu. Awak harus punyo kreatifitas, punyo keterampilan dan kalau bisa ahli jo keterampilan awak tu, ntah kok indak tu a?. Kini kan indak, nan paralu ijazah dulu, tu target salanjuiknyo malamar jadi pagawai. Sabana e sanang bana hati rang gaek kalau anaknyo lah berhasil ma, apo lai jadi PNS. Karajo lah ado, bisa pulo manolong gaek. Tapi randah bana rasoe kalau PNS jadi cita-cita.
Tapi tapikia juo dek ambo, baa kok sampai langang kreatifitas ko. Antah dek urangnyo nan maleh, antah dek pihak tertentu nan indak mandukuang, atau mungkin dek anggaran angko-angko nan kurang. Antahlah yuang, baelok sangko se lah awak!.
Nan paralu kini baa caro e awak mambangkik sumangaik untuak bakreatifitas baliak. Kok fasilitas alah langkok raso e, bahkan sampai baserak bagai. Kini marilah kiot bakarya, bakreatifitas, manfaatkan sagalo nan ado, jan sampai tempo pulo!.
Perihal adilwandi
Iyo langang kadai uniang ko mah, kok indak bisa balanjo singah gai lah wak sabanta dulu ndak..?? bacarito tantang umaik dikampus awak ko. Nyo model iko lo mah tantang curito nan dunsanak bukak tadi, batua ado nan labiah paralu dari pado ijazah sarupo berkarya, berkreatifitas atau memanfaatkan sagalo nan ado, kan betu. Tapi, tabedo juo untuak dunsanak kito nan binguang nak berkarya apo, paniang nak berkreatifitas dimano sabek ndak obeh apo nan dipunyo. Jadi, dari pado lapeh lo kasadonyo rancak disalamaik an karajo nan tabedo ko. sasudah ntu, makan lotek bagailah awak dikadai uniang baliak sambie mangopi paneh ari. Baa agak’e ti..???
iyo, sasuai ma. dikarajoan ma nan bisa dikakok dulu. tapi jan dikakok nan dikarajoan urang, basalemak jadi e beko. Ntah kok indak tu a???.