Tempo

Saminggu manjalang puaso kadai Uniang indak bukak lai do. Indak ado nan kabalanjo, mahasiswa alah pulang sado e. Bulan puaso mahasiswa indak kuliah, tempo. Tingga nan tuo-tuo se di kampus. Yo sabana langang kampus ko.

Tapi indak mahasiswa se nan tempo do, kreatifitas di kampus ko alah lamo pulo libur ruponyo. Indak ado kegiatan nan mangaliek lai do. Urang-urang abih sibuk dek urusan kuliah. Mangaja sarjana jo ijazah. Sabana iyo juo tu, urang gaek alah payah mancari pitih di kampuang.

Tapi ambo pikia ado pulo nan indak kalah pantiang dari mangaja ijazah tu. Awak harus punyo

Indak Manenggang

Jo gigi duo ambo maluncua di muko kadai Uniang nan manggaleh di ujuang gedung pink. Lah acok Uniang dipindahan manggaleh dek urang rektorat. Dari bawah batang kayu di blok M ka muko gedung auditorium, kini lah pindah ka ujuang. Tapi urang nan balanjo lai indak bakurang do. Murah juo lah rasaki Uniang. Tapi harago jan dinaiakan juo Niang.

Katiko ambo ka maopor ka gigi tigo tadanga sorak “Oiii, singgah lu, ngopi”. Alah jaleh dek ambo sia nan ma ariak. Suaro khas nan alah banyak urang tau, suaro Achang. Achang tu namo sabana e Hasan Subang Lamanepa, nyo urang Timor Leste. Panjang curitonyo baa kok sampainyo ka Padang ko. Abdullah Khusairi pernah manulis kisah Achang tu ma.

Singgahlah ambo di kadai Uniang, “Niang, kopi satangah”, “Santa yo” jawek Uniang. Bacuritolah ambo jo Achang, patamo batanyo kaba tu sampai masalah kuliah. Jurusan Bahasa Sastra Inggris, tampek Achang kuliah ditutuik. Karano izin indak diperbarui dek urang-urang ateh. Panjang leba inyo bacurito, taibo lo ati ambo deknyo. Baa ka indak,